अशी प्रिया पाहण्यात नाही,
पती जिच्या सापळ्यात नाही!
पती जिच्या सापळ्यात नाही!
बनेल बोक्यापरी टपोरी,
जरा मृदू वागण्यात नाही!
जरा मृदू वागण्यात नाही!
नको नको तेच शोधणारी,
नजर अशी कावळ्यात नाही!
नजर अशी कावळ्यात नाही!
अखंड गाणे भसाडवाणे,
सुरेल काही गळ्यात नाही!
सुरेल काही गळ्यात नाही!
तिने करावे, अम्ही गिळावे,
रुची तिला रांधण्यात नाही!
रुची तिला रांधण्यात नाही!
तिच्याप्रमाणे हुशार कोणी,
कलागती लावण्यात नाही!
कलागती लावण्यात नाही!
विनोद व्हावा, तिला कळावा,
अशी प्रथा आमच्यात नाही!
अशी प्रथा आमच्यात नाही!
कवयित्री: क्रांति साडेकर
1 टिप्पणी:
मस्त !
टिप्पणी पोस्ट करा