विडंबन लेबल असलेली पोस्ट दाखवित आहे. सर्व पोस्ट्‍स दर्शवा
विडंबन लेबल असलेली पोस्ट दाखवित आहे. सर्व पोस्ट्‍स दर्शवा

फणा !

(कुसुमाग्रजांची माझी अत्यंत आवडती अशी 'कणा' ही कविता. तिचं विडंबन करायची माझी खरेतर लायकी नाही, पण तरीही सर्वांचीच माफी मागून हे मी केलेलं फुटकळ विडंबन सादर करतोय. एकेकाळी मी क्रिकेट बघणं सोडून दिलेलं असूनही ह्या वर्ल्डकपला मी फसलो आणि पुन्हा मनस्ताप करून घेतलाय. त्याचाच वैताग ह्यातून बाहेर पडलाय. पुन्हा एकदा कुसुमाग्रजांची अन 'कणा' ह्या कवितेवर अन कुसुमाग्रजांवर प्रेम करणार्‍या सर्वांची मी माफी मागतो.)

माझ्या विडंबन कवितेचं नाव - फणा

(प्रसंग - दक्षिण आफ्रिकेनं केलेल्या पराभवानंतर धोनी सचिनकडे येतो.)

ओळखलंत का सर मला, पावसात आला धोनी
कपडे होते व्हर्साचेचे, अन गॉगल अरमानी

क्षणभर बसला, नंतर हसला, बोलला वरती पाहून
आयपीएलमुळे दमणूक झाली, प्रॅक्टीस गेली राहून

जाहिरातींच्या चित्रिकरणात ताकद खर्ची घातली
मोकळ्या वेळात शॉपिंग केली थोडी परदेशातली

पोरासोरांनी अन साहेबानं बॉलर्सचं श्राद्ध घातलं
प्रसाद म्हणून आफ्रिकेनं झोळीत पराभवाचं दान टाकलं

कागदी वाघांना घेऊन संगे सर आता लढतो आहे
कधी बॅटिंग पॉवरप्लेत, तर कधी स्लॉगमध्ये पडतो आहे

बॉलिंग मागायला हात पुढे करताच हसत हसत उठला
बॉलिंग नका करू सर जरा एकटेपणा वाटला

गेला असला वर्ल्ड कप तरी पैसा मिळतोय पुरा
पुढच्या वर्ल्ड कपला पोरासोबत खेळाल एव्हढाच 'वादा' करा!

(पुन्हा एकदा सर्वांची माफी मागतो! विडंबनासाठीही अन पकवल्यासाठीही!)

कवी: विद्याधर भिसे!

मूळ कविता - कणा
ओळखलंत का सर मला, पावसात आला कोणी
कपडे होते कर्दमलेले, केसांवरती पाणी

क्षणभर बसला, नंतर हसला, बोलला वरती पाहून
गंगामाई पाहुणी आली गेली घरट्यात राहून

माहेरवाशीण पोरीसारखी चार भिंतींत नाचली
मोकळ्या हाती जाईल कशी बायको मात्र वाचली

भिंत खचली, चूल विझली होते नव्हते गेले
प्रसाद म्हणुन पापण्यांमध्ये पाणी थोडे ठेवले

कारभारणीला घेऊन संगे सर आता लढतो आहे
चिखलगाळ काढतो आहे, पडकी भिंत बांधतो आहे

खिशाकडे हात जाताच हसत हसत उठला
पैसे नकोत सर जरा एकटेपणा वाटला

मोडून पडला संसार तरी मोडला नाही कणा
पाठीवरती हात ठेवून फक्त लढ म्हणा!

- कुसुमाग्रज

माझे जेवण गाणे!

मूळ गीतः माझे जीवनगाणे

                                                              विडंबनः माझे जेवण गाणे

माझे जेवण गाणे, गा..णे.
व्यथा असो आनंद असू दे,
उपास किंवा उत्सव असूदे,
भूक असो अथवा न असूदे
खात पुढे मज जाणे, जाणे,
माझे जेवण गाणे.. ॥धृ॥

कधी जेवतो हॉटेलातून,
कधी ऑफिसच्या कॅंटीनातून,
कधी ढाब्यातून, कधी 'खोक्या'तून,
पोट भरुनि मज घेणे, घेणे,
माझे जेवण गाणे .... ॥१॥

या मित्रांनो माझ्या मागे,
चवीपरीने खाऊ संगे,
तुमच्यापरि माझ्याही खिशातून,
खुळखुळते हे नाणे, नाणे .....
माझे जेवण गाणे, गा...णे. ॥२॥

रचनाकार आणि गायक: प्रभाकर फडणीस

नच माते करू कोपा!

मूळ गीतः नच सुंदरी करू कोपा

विडंबन : नच माते करू कोपा

नच माते करू कोपा,
मजवरि धरी अनुकंपा. ॥धृ॥

पोरी तुज बहु असती, परि प्रीती मजवरती,
जाणसि तू हे चित्ती, मग का घालिसि भीती?
करी मी दंगा मस्ती, तरी वाटे तव धास्ती,
प्रेमा तो मजवरिचा, नेऊ नको लोपा …॥१॥

(आईने कान पकडून म्हटले, ‘मेल्या..’, मुलगा म्हणाला थांब, थांब.
अजून गाणे संपले नाही ….)

करपाशीं या तनूला, बांधुनि करी शिक्षेला,
धरुनीयां कानाला, गुच्चा घे गालाला
परि ना धरी अबोला, रडू येईल मग मजला.
शिक्षा ती अती कठोर, होईल मत्पापा,  ॥२॥

नच माते ….

(हे गीत एका तीन बहिणींच्या पाठीवर जन्मलेल्या, लाडोबा मुलाचे आहे.)

रचनाकार: प्रभाकर फडणीस

अनुदिनी चोरास !!

कशास निराशेचे नभ हे दाटले तुजसमोरी ?
लेख न लिहिता आला ,शोक कशास करी ?
गरजच काय लेख लिहिण्याची शिष्या ,
तुटवडा नाही जालावर सुंदर लेखांचा…